AMAL HISAR E QUTBI BA MUAKKIL AMAL (HIFAZAT KA NAYAB AMAL)

AMAL HISAR E QUTBI

islamiroohaniilaj.blogspot.com

 

E-mail: roohaniilaj786@outlook.com

E-mail: roohaniilaj92@gmail.com

 HISAR KYA HAI ??? Hisar Ke Lugvi Mana Hote Hai Ghira Hua Ya Daire Me Simta Hua. Hisar Asal Me Wo Mazbur Qila Aur Hifazati Daira Hai Jo Aamil Amal Karne Se Pehle Apne Eird Gird Khichta Hai Aur Wo Daire Me Baith Kar Apna Amal Mukammal Karta Hai. Is Tarah Wo Har Tarah Ke Khatarat Aur Nuksanat Se Mehfuz Ho Jata Hai. Is Hisar Ki Har Aamil Ko Jarurat Hoti Hai Kyu Ke Aamil Apne Amal K Zariye Jo Dua Aur Wazifa Karta Hai To Jo Kuch Muakkilat Aur Roohani Quwwate Us Amal Ke Taabe Hoti  Hai Jo Bahot Hi Taqatwar Hote Hai Aur Un Par Qabu Pana Koi Aasan Kam Nahi Hota Aur Aamil Un Ko Qabu Karne Ki Koshis Karta Hai To Wo Aamil Ko Nuksan Pahochane Se Dafa’a Nahi Karte Aur Baaz Awkat Agar Hisar Yani Qila Mazbut Na Ho To Wo Hisar Me Dakhil Ho Kar Aamil Ki Jaan Ke Darpe Bhi Ho jate Hai. Chunke Aamil Apne Amal Ke Zariye Us Taqatwar Muakkilat Ko Apne Taabe Wa Qabu Karne Ka Khwahish Mand Hota Hai To Lazmi Baat Hai K Wo Muakkilan Jo Ke Aamil Ki Taqat Se Jyada Taqatwar Hote Hai Aur Wo Nahi Chahte K Wo Kisi Ke Gulam Ban Jaye. Is Liye Wo Aamil Ke Kam Me Khalal Paida Karne Ki Koshis Karte Hai

RAJA’AT KISE KEHTE HAI ??? Amal K Dauran Hisar Karne Se Amal Ki Raja’at Se Bhi Hifazat Rehti Hai. Raja’at K Lugvi Mana Wapas Lautane K Hai. Lekin Amaliyat Ki Istelah Me Raja’at Ka Mafhoom Ye Murad Liya Jata Hai K Dimag Me Khalal Ka Paida Hona. Yani Insan k Dimag Me Sochne Samajhne Ki Salahiyyat Khatm Ho Jaye Aur Us K Baees Insan Pagalo Jaisi Harkat Karni Shuru Kar De. Agar Kisi Aamil Ki Halat Aisi Ho Jaye To Us Ki Wajah Ye Hoti Hai K Wo Daurane Amal Qawaid Aur Zawabit Me Susti Kar Jata Hai Aur Chilla Kashi Karte Hue Ehtiyat Se Kam Nahi Leta. Ya Fir Jo Parhez Us Ko Karna Chahiye Us Se Roo Gardani Karta Hai. Aisi Halat Ke Baees Baaz Awkat Aamil Ki Jaan Chali Jane Ka Bhi Khatra Hota Hai. Is Liye Aamil K Liye Lazmi Hai K Wo Har Tarah K Nuksan Se Mehfuz Rehne Aur Apni Jaan Ki Hifazat Ki Garaz Se Jo Bhi Amal Kare Wo Hisar Ke Andar Kiya Kare. Mazbut Hisar K Baees Koi Makhlooq Use Nuksan Nahi Pahocha Sakegi.

HAMESHA  HIFAZAT  KAISE  HO  ???  Hisar  Ke  Kuch  Khas Amaliyat Hamesha Ki Hifazat Ke Talluk Se Bhi Hote Hai. Agar Un Amaliyat Ki Zakat Ada Kar Li Jaye To Goya Ke Aamil Ke Charo Taraf Ek Hifazati Daira Hamesha K Liye 24 Ghante Qayam Ho jata Hai. Fir Wo Aamil Har Tarah Ke Aasebi Hamle, Jinnati Khalal, Jadu Tona, Bandish Aur Digar Asrat e Bad Se Hamesha K Liye Hifazat Me Rehta Hai. Neez Agar Koi Dushman Us Par Koi Waar Bhi Karta Hai To Dushman Ka Har Waar Nakam Ho Jata Hai. Agar Aamil Roohani Ilaj Ka Kaam Karta Hai To Asarat Wale Mareez Ke Asrat Se Bhi Aamil Ki Hifazat Hoti Hai. Aise Hifazati Amaliyat Se Aamil Har Tarah Se Apne Aap Ko Mehfuz Rakhne Me Kamyab Rehta Hai.

MAZBOOT HISAR QAYAM KARNA !!! Amal Ke Dauran Digar Makhlooq Ke Hamle Se Mehfuz Rehne Ke Liye Mazbut Hisar Qayam Karna Zaruri Hai. Hisar Chunke Nihayat Mazboot Duaiya Qila Hota Hai. Is Liye Muakkilin Jis Kadar Bhi Taqatwar Ho, Wo Us Hisar Me Apni Koshis Wa Taqat Ke Bawajud Dakhil Nahi Ho Sakte. Albatta Wo Hisar Ke Bahar Se Aamil Ko Bahot Hi Zayada Khaufzadah karne Ki Koshis Karte Hai. Un Ka Maksad Ye Hota Hai Ke Aamil Ki Tawajjoh Un Ki Taraf Ho Jaye Aur Wo Darr Aur Khauf Ki Wajah Se Apna Amal Pura Na Kar Sake. Is Maksad Ke Liye Wo Mukhtalif Tarike Ikhtiyar Karte Hai. Hattal Imkan Aamil Ko Darate Bhi Hai. Baaz Awkat Wo Khushamdana Rawaiya Ikhtiyar Karte Hai Ke Kisi Bhi Tarah Se Aamil Apne Kaam Se Baaz Aa Jaye. Is Liye Aamil Ko Chahiye Ke Wo Muakkilin Ki Kisi Bhi Chaal Ka Shikar Na Ho Aur Tawajjoh Wa Yaksui Ke Sath Apne Kam Me Magan Rahe. Jab Amal Mukammal Ho Jayega To Fir Aamil Ko Wo Manazir Dikhai Nahi Denge Jo Daurane Amal Kabhi Kabhi Dikhte The.

HISAR E QUTBI :‐ (Hisar e A’azam) Ye Ek Hisare Azeem Hai. Ye Hisar Aamilin Hazrat Ke Liye Ek Nayab Tohfa Hai. Digar Fawaid Wa Ajaibat Ke Alawa Ye Hisar Ek Mazboot Hifazati Amal Bhi Hai. Jis Ke Aamil Ke Eird Gird 24 Ghante Hifazati Daira Qayam Rehta Hai. Is Amal Ke Muakkilan Aamil Ki 24 Ghante Har Aafat o Bala Se Hifazat Karte Hai. Hatta Ke Is Hisar Ke Aamil Ko Kisi Dusre Hisar Ki Zakat Ada Karne Ki Zarurat Hi Nahi Rehti. Is Amal Ke Fawaid Be Shumar Hai. Yaha Kuch Khas Fawaid Pesh Kiye Jate Hai. Warna Sirf Itna Kehna Kafi Hoga Ke Is Amal Ka Aamil Ajaibat Ka Khud Mushaheda Karega. 

HISAR E QUTBI KYA HAI ??? Ye Hisar Qurane Pak Ki Ek Khas Aayat Ka Amal Hai. Wo Aayat Jise Qurane Pak Me Aayate Qutub Ka Darja Hasil Hai. Wo Aayat Sure Aale Imran Ki Aayat No. 154 Hai. Is Aayate Qutbi Ke Digar Bhi Beshumar Fazail Digar Kitabo Me Maujud Hai. Lekin Ye Amal Ka Tarika Khas Hifazat Ka Hai. Is Amal Ki Zakat Ka Tarika Bahot Hi Aasan Aur Sahal Hai. Urooj Maah (Yani Chand Rat Se 11 Chand Tak) Me Shab e Jumerat (Yani Budh Ka Din Guzarne Ke Bad Aane Wali Raat) Se Amal Shuru Kare. Ba Shart Ye Ke Qamar Dar Aqrab Na Ho. (Is Ki Tafseel Jantari Ki Kitabo Me Mil Jayegi. Is Wakt Me Koi Bhi Naya Amal Shuru Nahi Karna Chahiye) Amal 40 Din Tak Rozana Bila Naga Karna Hai. Padhne Ka Tarika Ye Hai Ke 40 Din Tak Rozana Bad Namaze Isha Sirf 7 Bar Ye Hisare Qutbi Padhna Hai. Awwal Aakhir Durude Tunajjina 1 Bar Padhe. Zakat Mukammal Hone Ke Bad 41ve Din Subah Kheer Paka Kar Fateha De Kar 11 Namaziyo Ko Khilaye (Ya Masoom Bacho Ko Khila De) Aur Khud Bhi Khaye. Ye Amal Ba Muakkil Hai Is Liye Daurane Amal Parhez Jalali Wa Jamali Lazmi Kare. Amal Shuru Karne Se Pehle Aayatul Kursi Asma e Husna 7 Bar Padh Kar Apne Upar Dam Kar Liya Kare.

Is Amal Ki Zakat Se Is Amal Ke Muakkilat Batini Taur Par Taskhir Hote Hai. Samne Zahir Nahi Hote. Is liye Kisi Kism Ka Koi Khauf Ya Darr Dil Me Na Rakhe. Insha Allah 40 Din Ke Amal Se Zakat Ada Ho Jayegi, Fir Is Amal Ke Muakkilat Hamesha Hifazat Karenge. Har Aafat o Bala Se, Musibat Se, Dushmano Ki Sazisho Se, Har Tarah Ke Aasebi Hamlo Se, Jinnat Ke Asrat Se, Jadu Tone Se Mukammal Taur Par Hifazat Hogi. Zakat Ada Karne Ke Bad Is Ko Rozana Isi Tarah Se 7 Bar Padh Liya Kare. Awwal Aakhir Durude Tunajjina Padhe. Ta Ke Amal Ki Ruhanniyat Kayam Rahe. Agar 3 Din Ya Us Se Jyada Din Ka Naga Ho Gaya To Amal Zaya Ho Jayega. Us Ke Bad Dobara Se Zakat Ada Karni Padegi. Amal Ke Dauran Kabhi Kabhi Mukhtalif Kism Ki Khwab Me Basharate Bhi Hongi. Wo Basharato Ka Hargiz Hargiz Kisi Se Zikr Na Kare.

Albatta Apne Ustad Se Zikr Kar Skte Hai. Balke Sirf Apne Ustad Ko Hi Bataye. Amal Ke Dauran Ye bhi Kisi Se Na Kahe Ke Aap Ye Amal Ki Zakat Ada Kar Rahe Hai. Warna Amal Kamyab Nahi Hoga. Amal Shuru Karne Ke Bad Us Ko Bich Me Hargiz Na Chhode. Har Haal Me Amal 40 Din Tak Mukammal Kare.

IS AMAL KI FAZILAT Ye Hai Ke Ye Hisare Qutbi Be Shumar Chizo Me Kam Aayega. Is Amal Ki Sab Se Badi Khasiyat Ye Hai K Is Amal Ke Aamil Se Jinnat Is Tarah Darte Hai Ke Jis Tarah Ek Aam Insan Jinnato Se Darta Hai. Hakikat Ye Hai Ke Jo Insan Hisare Qutbi Ka Aamil Hoga Wo Roohani Taur Par Badshah Kehlane Ka Hakdar Hai. Baaz Log Hisar Ke Naam Se Ghabrate Hai Ya Wo Hisar Ko Bahot Badi Zehmat Samajhte Hai. Halake Hisar Se Amal Ke Dauran Aamil Ki Hifazat Hoti Hai. Ab Amal Ke Chand Fawaid Tehrir Kiye Jate Hai .

HAR AMAL ME YE HISAR KAM AAYEGA

Agar Aamil Apna Hisar Nahi Karega To Us Ko Koi Bhi Khatra Daurane Amal Pesh Aa Sakta Hai. Is Liye Khas Kar Har Ba Muakkil Amaliyat, Hamzad Wale Amaliyat Ya Jinnat Ki Taskheer Wale Amaliyat Me Hisar Karna Lazmi Hota Hai. Balke Aur Har Ek Amal Se Pehle Chahe Wo Noorani Hi Kyu Na Ho, Aamil Agar Apna Hisar Kar Le To Ye Us Ke Liye Behtar Hoga Aur Us Ki Shaitan Ke Waswaso Se Aur Khalal Se Hifazat Rahegi. Jab Bhi Koi Ba Muakkil Amal Kare To Amal Shuru Karne Se Pehle Isi Tarah Se Awwal Aakhir Durude Tunajjina Ke Sath 7 Bar Hisare Qutbi Padh Kar Apne Eird Gird Daira Bana Le Aur Fir Daire Ke Andar Baith Kar Amal Shru Kare To Insha Allah Amal Ke Dauran Har Tarah Se Hifazat Hogi Aur Aamil Har Tarah Ke Khatre Se Mehfuz Rahega. Neez Amal Ke Dauran Shaitani Khalal Bhi Na Hoga. Aur Jin Muakkilat Ki Taskheer Ka Aamil Irada Rakhta Hai Wo Bhi Koi Nuksan Nahi Pahicha Sakegne.

Jinnat Fauran Bhag Jayenge

Is Amal Ke Aamil Ke Rubaru Jinnat Wa Aaseb Nahi Thaher Sakte. Shakal Dekhte Hi Bhag Jayega Aur Naam Sunte Hi Kaanp Uthega.

Mariz Par Se Aaseb dafa’A ho jaye

Agar Mariz Par Aaseb Maujud Ho Aur Is Hisar Ke Aamil Ka Waha se Guzar Ho To Wo Jinn Ya Aaseb Aamil Ka Adab Malhooz Rakhte Hue Taazim Karega Aur Rukhsati Ki Ijazat Chahega.

Saharzada ki shifayabi

Sahar zada Ya Aaseb zada Ko Aamil Pani Par 7 Martaba Padh Kar Pilaye To Sahar zada Wa Aaseb zada Shifayab Ho Jayega.

Mushkil me aasani

Agar Koi Shakhs Kisi Sakht Mushkil Ya Muhim Me Fasaa Hua Ho To Ye Hisare Qutbi Ki Azeemat Ka Vird Khulasi E Muhimmat Wa Sakhtiyat Ki Niyat Se 7 Din Tak Rozana 11 Bar Padha Kare. Awwal Aakhir Durude Tunajjina Padhe. Insha Allah Sakht Mushkil Se Chhutkara Ho, Muhim Aasan Ho.

Dushman par galba pana 

Agar Kisi Shakhs Ka Koi Dushman Sakht Wa Taqatwar Ho To Aamil Kisi Qabr Ki Mitti Par 7 Martaba Padh Kar Dam Ka De Aur Dushman Ke Ghar Me Dal De To Insha Allah Dushman Zer Hoga. Amal Padhne Ka Tarika Ye Hoga Ke Har Baar Azeemat Ke Aakhir Me Kahe Ke Fulaa Bin Fulaa Ka Dushman Makhoor Wa Zer Ho Aur Dushmani Se Baaz Aa Jaye. Insha Allah Dushman Zer Hoga Aur Har Tarah Ki Dushmani Se Baaz Rahega.

Dushman tabedari kare

Agar Kisi Shakhs Par Us Ka Dushman Galib Ho To Aamil Ko Chahiye Ke Namak Ki Dalli Par 12 Martaba Padhe. Har Bar Aakhir Me Kahe Ke Fulaa Bin Fulaa Ka Dushman Magloob Ho, Aur Taleeb Ko Deve Ke Pani Me Namak Ki Dalli Dal De. Jaise Jaise Namak  Pani Me Ghulta Jayega, Dushman Naram Dil Aur Zer Ho Kar Muafi Ka Khwastgar Hoga. Mujarrab Hai.

Quwwate   mardana   ki bahali

Agar Kisi Shakhs Ki Shehwat Ma’adum Wa Mafqud Ho To Aamil Ko Chahiye Ke Mariz Se Asli Shahad Aur Asli Akarkarha (Ye Ek Jadibuti Hai Jo Pansari Ke Yaha Mil Jayegi) Mangwaye Aur Dono Chizo Par 3 – 3 Bar Padh Kar Dam Kar De. Mariz Dono Chizo Ko Mila Kar Khaya Kare. Kuch Din Ke Istemal Se Mardana Taqat Badh Jayegi Aur Shehwat e Daistagi Mukammal Ho Jayegi. Khurak Rozana 5 Gram Khaya Kare.

Miya biwi me nafrat ka khatma

Agar Mard Aur Aurat Me Kisi Wajah Se Narazgi Aur Khafagi Badh Kar Takrar Ki Naubat Ikhteyar Kar Le To Aamil Ko Chahiye Ki Taalib Se Mithi Chiz Mangwaye Aur Us Par 3 Martaba Padh Kar Dam Kare. Har Bar Aakhir Me Kahe Al Hubbe Fulaa Bin Fulaa Alaa Hubbe Fulaa Bin Fulaa. (Pehle Matloob Aur Us Ki Maa Ka Naam Le Fir Taleeb Ka Aur Us Ki Maa Ka) Aur Taalib Ko De de Aur Taalib Matloob Ko Khila De. Insha Allah Narazgi Dur Ho Kar Takrar Khatm Ho Jayegi Aur Dono Me Muhabbat Kayam Hogi.

Hifazat se wapsi 

Agar Aamil Kisi Shakhs Par 30 Martaba Padh Kar Dam Kare Aur Fir Wo Shakhs Kisi Khas Muheem Ke Liye Nikle To Kamiyab Ho Kar Laute Aur Jung Me Jaye To Har Tarah Ke Zakhm Se Mehfuz Wa Sahi Salamat Maidane Jung Se Wapas Aaye.

Pet dard me fauran aaram

Agar Kisi Shakhs Ke Pet Me Shadeed Dard Ho Aur Rukta Na Ho, Doctor Aur Hakeem Bhi Aajiz Aa Gaye Ho To Aamil Ko Chahiye Ke 3 Martaba Namak Siyah (Is Ko Sendha Namak Bhi Kehte Hai) Par Dam Kar Ke Mariz Ko Khila De. Insha Allah Pet Dard Me Fauran Aaram Ho Jayega. 

Kamar  dard  me  fauran  aaram

Agar Kisi Shakhs Ki Kamar Me Shadeed Dard Ho Aur Mariz Aajiz Aa Chuka Ho To Aamil Ko Chahiye Ke Sarso Ke Tel Par Is Amal Ko 3 Bar Padh Kar Dam Kar Ke De Aur Mariz Rozana Us Tel Se Malish Kare. Insha Allah Dard Fauran Dur Hoga.

Hakim maherbani se pesh aaye

Is Amal Ka Aamil Agar Kisi Kam Ke Silsile Me Kisi Haakim Ke Pas Jaye To Wo Hakim Ehteram o Izzat Wa Takreem Se Pesh Aaye

Miadi bukhar ka khatma

Agar Kisi Ko Miaadi Bukhar Ya Tap Larzah Ho To Aamil Is Azeemat Ko 3 Bar Pani Par Dam Kar Ke De. To Insha Allah Miaadi Bukhar, Tap Larzah Khatm Ho Jaye.

Mujarrab  wa  aazmooda  istekhara

Ye Amal Istekhara Ke Liye Bhi Akseer Wa Aazmooda Mana Jata Hai. Agar Aamil Kisi Amr Ke Bare Me Istekhara Karna Chahe To Rat Ko Ba Wuzu Ho Kar Sote Wakt Sirf 1 Bar Padh Kar Sidhi Karwat Se So Jaye. Insha Allah Pehli Hi Raat Me Jawab Payega.

hifazat  k  liye  taveez

Agar Kisi Shakhs Ko Koi Asarat Ho, Jinnati Ya Aasebi Khalal Ho Ya Kisi Bhi Amr Me Hifazat Chahta Ho Ya Kisi Ko Balaayat Nazar Aati Ho To Aamil Ko Chahiye Ke Ye Azeemat Jafran Se Kagaz Par Likh Kar Us Par 7 Martaba Padh Kar Dam Kar De. Fir Momjama Kar Ke Ya Plastic Me Pack Kar Ke Mariz Ke Gale Me Pehna De. Insha Allah Mariz Ki Hifataz Hogi Aur Har Tarah Ke Jinnati Aur Aasebi Khalal Dur Honge.

Tamam  aafat  wa  masaib  se  mehfuz  rhe
Is Azeemat Ka Aamil Zulm, Zaalim wa Jabir Haakim, Waswasa e Shaitan, Aziyyate Jinnat, Har Tarah Ke Teg Talwar Wa Neza Wa Digar Hathiyar Ke Waar Se Aur Hawa, Pani Aur Aatishe Waba Ki Maar Se, Sahar Wa Asar Dev Pari Wa Digar Dam Wa Maar Se, Sher Wa Digar Darindo Se, Har Kism Ki Amaliyat Ki Raja’at Se, Jumla Baliyyat Se, Na gahani Aafato Se Mehfuz Wa Mamoon Rahega. Hamesha Fajar Aur Magrib Ki Namaz Ke Bad 1 – 1 Bar Padh Liya Kare.

Jani Dushman ka khatma

Agar Kisi Ka Koi Dushman Jaan Ke Piche Pada Ho Aur Bahot Taqatwar Ho To Kuch Khaak Masjid Ki Hasil Kare Aur Us Me Se Thodi Si Le Kar Us Pe Ye Azeemat 13 Bar Padh Kar Dushman Ke Ghar Me Daal De. Aisa 7 Bar Kare. Insha Allah Dushman Ka Khana Kharab Hoga Aur Mazloom Ko Fateh Wa Nusrat e Kamela Hasil Hogi. Padhne Ka Tarika Ye Hoga Ke Har Baar Azeemat Ke Aakhir Me Kahe Ke Fulaa Bin Fulaa Ke Dushman Yani Fulaa Bin Fulaa Ka Khana Kharab Ho. (YAD RAHE..! AGAR KISI KO NA HAQ PARESHAN KIYA YA IS AMAL KA NA JAIZ ISTEMAL KIYA TO SAKHT GUNAHGAR HOGA)

Sifli kah khatma

Agar Kisi Shakhs Par Sifli Amal Kiya Gaya Ho Aur Mariz Ki Jaan Khatra Me Ho To Bad Namaze Magrib Us Mariz Ko Samne Bitha Kar Aamil Ko Chahiye Ke Ye Hisare Qutbi Ba Aawaze Buland 7 Martaba Padhe. Yani Itni Aawaz Se Ke Mariz Ba Khubi Sunta Rahe, Aur Ye Amal Sirf 3 Din Tak Lagatar Karta Rahe. Insha Allah Jadu Tone Se Najat Mil Jayegi

Ye Hisare Qutbi Ke Kuch Khas Tarike Hai Jo Yaha Pesh Kiye Gaye. Is Bat Ka Khas Khayal Rakha Jaye Jis Jis Amal Me Jitni Bar Hisare Qutbi Padhne Ke Liye Bataya Gay Hai, Har Us Amal Ko Padhte Wakt Awwal Aakhir 1 - 1 Bar Durude Tunajjina Lazmi

Padhna Hai. Hisare Qutbi Ka Amal Ye Hai :‐

 

Blog: islamiroohaniilaj.blogspot.com

E-mail: roohaniilaj786@outlook.com

E-mail: roohaniilaj92@gmail.com